倫敦打吡一定打崩頭

2018-12-05 09:58:12 来源:互联网

西倫敦近泰晤士河嘅兩支英超名牌球隊,今晚進行打吡戰,就係車路士主場對富咸,至於夜少少仲有北倫敦打吡,由阿仙奴主場硬撼死敵熱刺,一定打甩髀。

先講頭場西倫敦打吡,富咸雖然搵嚟老帥雲尼亞里接手,上仗即贏修咸頓3比2止瀉,但呢支包尾大幡仲有排執。至於前列分子車仔,啱啱喺歐霸分組賽以4比0大勝PAOK,一洗上輪聯賽輸畀熱刺嘅頹風,為追趕前面嘅曼城、利物浦同熱刺,絕對不容再失,相信今場可藉地利贏波。

今晚重頭戲梗係北倫敦打吡,未計今輪賽事,「3哥」熱刺只係領先「5哥」阿仙奴3分,得失球同為+12,可見大家實力半斤八両。阿仙奴今季改由西班牙籍教頭艾美利執教,自頭2場輸波後,近18場正式賽事保持不敗。熱刺亦連贏6場,包括周中歐聯擊敗國米,若果單計聯賽,近8仗贏咗7場,氣勢如虹,大家都咁弗,預計今仗「和」味濃。

金句:今晚沒有特別西北航班,只有倫敦西北雙打吡戰

赢家联盟