銀河艦隊復甦上盤柏板

2018-11-07 11:46:12 来源:互联网

周四凌晨歐聯分組賽,仲有G組柏辛域陀尼亞主場硬撼皇家馬德里。皇馬自看守教練蘇拿利上任後,狀態有所恢復,為證明衛冕歐聯嘅決心,呢場面對實力欠奉嘅捷克球隊柏辛域陀尼亞,細鬼覺得銀河艦隊肯定唔會留手,就算作客讓到球半、兩球,上盤都唔好錯過。

(有線601及661台周四凌晨4時直播)

皇馬近年喺功勳主帥施丹帶領下,連續3屆喺歐聯稱霸,創下難以複製嘅驕人戰績,早前接手嘅西班牙教練洛佩特吉就已經先身士卒,上任短短4個幾月,就畀球隊班主皮里茲棄用,依家惟有揾住前梯隊主帥蘇拿利做看守教練頂住先。不過皇馬往往喺新帥效應影響下,都有唔錯表現,近排已經搶得2連勝,其中獲提攜上一隊嘅18歲巴西小將雲尼斯奧斯祖利亞,連續2仗都有上陣表現搶眼,深得新帥賞識,呢場有望再次成為球隊搶分嘅關鍵人物。

柏辛域陀尼亞輸經驗
相反喺國內聯賽威到盡嘅捷克班霸柏辛域陀尼亞,去到歐聯舞台明顯唔夠砌,今季分組賽3仗戰罷只得1和2負喺積分榜墊底,而且佢哋歐戰經驗同皇馬根本冇得鬥,呢場面對來勢洶洶嘅歐聯常客皇馬,就算喺主場出擊都難逃大敗嘅厄運,所以細鬼都係更睇好皇馬,捧番上盤好過。

赢家联盟