曼城難炒般尼

2018-10-20 08:59:02 来源:互联网

留力歐聯精打細算
曼聯同市死敵曼城,則會留喺曼徹斯特主場迎戰般尼。雖然有傳曼城中場奇雲迪布尼今場有機會傷愈復出,但狀態成疑,上輪聯賽打和利物浦0比0之役,更有馬列斯搶射12碼宴客,令前鋒加比爾捷西斯錯過終止6輪聯賽入球荒嘅機會,影響信心,難怪「藍月亮」近6場聯賽有5次開3球或以下,今場捧中位數3.5球入球細更佳。

(Now 621周六晚10時直播)

況且,般尼造訪強敵例必死守,希望輸少當贏,翻查兩軍近5次聯賽交鋒,全開3球或以下,而且曼城喺歐聯分組賽輸過1場,形勢被動,考慮到下周中有歐聯對薩克達嘅顧慮,今場見好即收,領隊哥迪奧拿目標為本,全取3分就可以,毋須大炒,好大可能贏2球就收手,今場入波唔會多。

沙拿復出捧紅軍半場W
至於英超尾場就有哈特斯菲爾德主場火併「3哥」利物浦。利物浦雖慘中「FIFA病毒」,但臨開波收到好消息,除沙迪奧文尼肯定未得之外,華基爾雲迪積克及穆罕默德沙拿已趕及傷愈復出,加上屢建奇功嘅史杜列治、梳頓沙基利等副選希望博上位,前者更不用參與「太公波」,養精蓄銳備戰今場。尾3嘅哈特斯菲爾德遇強即屈,今季3鬥Big6球隊全敗狂失11球,全部皆於上半場已落後,利物浦下周中歐聯要出戰貝爾格萊德紅星,今場必想速戰速決,半場客勝有計。

(Now 621周日凌晨零時30分直播)

赢家联盟