黃蜂爭升班主場搶W

2018-09-12 11:02:24 来源:互联网

經過一輪國際賽事後,今日以二線波為主,阿King對日乙補賽福岡黃蜂主場迎戰FC橫濱最有心水。黃蜂為爭升班,一定開行Turbo搶分,挾主場強勢無懼排名更高嘅FC橫濱,主勝有買趁早。(周三晚6時開賽)

雖然黃蜂依家只係排第6,落後「3哥」FC橫濱3分,但查實佢哋只係打咗30場波,比FC橫濱打少1場,如果今場贏波就同分,兼且有打少1場優勢。不妨再睇遠啲,黃蜂比「2哥」松本山雅打少2場而落後8分,假如黃蜂繼續贏波,甚至有機會殺上前2名嘅直接升班資格,戰意爆燈。FC橫濱上場正正係輸畀爭升班勁旅東京綠茵,4連勝斷纜打擊信心,造訪近4仗主場3勝1和嘅黃蜂,似乎難逃敗局。

拉科魯尼亞半場和Encore
至於西盃第2圈,薩拉戈薩主場對拉科魯尼亞;拉科今季降班後,雖然有多名主力離隊,但總算喺西乙站穩陣腳,4場聯賽未輸過,全靠改打穩陣波,尤其係初段特別保守,呢4場有3仗開半場和,咁蹺半場波膽都係0比0,而且今仗係淘汰賽場合,隨時踢得更謹慎,半場和值得再追。

最後巴西盃4強首回合,彭美拉斯主場對高士路;雖然彭美拉斯喺聯賽排名更高,但上屆巴西盃盟主高士路近7場作客僅1敗,何況近6次交手,高士路取得2勝4和未輸過,今仗有力全身而退,受讓必捧讓球客勝。

赢家联盟