揭幕戰兩軍防線唔齊腳 曼聯開大騷益李

2018-08-10 10:26:55 来源:互联网

新一季英超今晚正式開鑼,揭幕戰由「紅魔」曼聯主場迎戰「狐狸」李斯特城。雖然曼聯近年交手剋死李斯特城,但中場核心保羅普巴剛歸隊,今仗很難獲得擔正,主勝偏熱可勝不穩,而且「狐狸」近年首輪例演大騷,轉捧2.5球嘅大盤更划算。
(Now 621周六凌晨3時直播)
曼聯於季前球會賽戰績一般,3仗國冠盃於法定時間僅得1勝1和1負,上周造訪拜仁慕尼黑亦以0比1敗陣,但始終人腳不整,參考價值不高。箭頭盧卡古及中場核心保羅普巴歸隊不久,狀態未足,今仗頂盡做後備,預計前線會由阿歷斯山齊士擔大旗,夥拍桑馬達及拉舒福特攻堅,陣容算齊整,不過路爾斯華倫西亞、馬高斯盧祖及尼曼查馬迪皆有傷,防守力肯定削弱。
另邊廂,李斯特城主帥佩爾賽前表明,剛歸隊嘅2名英格蘭國腳占美華迪及哈利馬古尼今仗亦唔會上陣,當中後者缺陣對後防影響極大。李城今夏賣走翼鋒馬列斯予曼城後,最近簽入同屬阿爾及利亞國腳拉治迪基素爾代替,配合新加盟嘅中場指揮官、上季在英冠攻入14球兼交出8個助攻嘅占士麥迪臣,兩人可趁華迪缺陣爭取表現。
李斯特城近4季首騷多波入
雖然近5次正面交鋒,曼聯取得4勝1和佳績,而近2季聯賽首輪皆贏波,但「紅魔」今仗未能夫添出擊,屬可勝不穩格局。值得留意,喺呢5次交手入面有4次開3球或以上,而且「狐狸」自2014-15年度球季重返英超後,4次聯賽首輪全開3球或以上,包括上季同樣係周五深夜揭幕戰,作客以3比4輸畀阿仙奴,今仗隨時再與對手合演入球騷,主勝得1.36倍偏熱,2.5球嘅大盤有1.78倍更抵玩。

赢家联盟