近6仗自由盃5勝 彭美拉斯上盤嗒得諾

2018-08-09 12:25:17 来源:互联网

今日受注賽事繼續以盃賽做主打,南美自由盃16強首回合,巴西勁旅彭美拉斯作客巴拉圭波特諾。論大賽經驗,老牌勁旅彭美拉斯佔優,加上佢哋近6仗自由盃獲5勝1和,水準可靠,今仗即使作客亦有力先下一城,彭美拉斯讓平半,捧2.1倍上盤。

(周五早上8時45分開賽、馬會網上文字直播)

彭美拉斯喺今屆自由盃表現大勇,6仗分組賽取得5勝1和,攻入14球只失3球,真係攻守兼備,係分組賽成績最好球隊,而且佢哋3場作客贏晒,水準異常穩定。相反波特諾喺A組只排於另一支巴西球隊甘美奧之後,僅以次名出線,其中2鬥甘美奧只得1和1負,今仗再鬥巴西球隊形勢唔樂觀。

競賽會馬利烏波爾同吼細
另一場自由盃16強首回合上演「阿甲內訌」,競賽會主場迎戰河床。由於阿甲仍未開咧,兩軍狀態成疑,競賽會主力射手拿達路馬天尼斯今夏轉投國際米蘭,火力大減。河床征戰自由盃踢法保守,近5仗自由盃僅入4球,4次開2球或以下,捧入球細。(周五早上6時30分開賽、馬會網上文字直播)最後揀歐霸盃外圍賽第3圈首回合,烏克蘭球隊馬利烏波爾於中立場鬥法甲波爾多。波爾多上季首席射手馬爾甘菲臘比轉投巴塞隆拿,前線陣容大執位,面對擅守嘅馬利烏波爾預計入波唔會多,首選都係細盤。

赢家联盟