哥本哈根唔齊腳古比斯做細界

2018-07-12 15:00:28 来源:互联网

周五凌晨歐霸盃外圍賽第1圈首回合激戰連場,阿King度咗條過關同大家分享,其中芬超古比斯主場硬撼丹超勁旅哥本哈根,哥軍歐霸作客踢法保守,加上隊中幾位主力出征世盃未歸隊,唔齊腳更加不敢冒進,入球細好路。

(周五凌晨零時開賽,馬會網上文字直播)

上季未能成功衞冕聯賽錦標嘅哥本哈根,要靠資格賽先搶到今屆歐霸參賽權,咁辛苦先有得玩歐霸,肯定步步為營,而且幾位主力,包括隊長基斯特、中場域陀費斯查及瑞典門將羅賓奧臣,為自己國家踢世盃仍未返球會報到,呢場冇咗幾位大將助陣,哥軍想搶攻都有心無力,而且呢支丹超傳統勁旅過往歐霸作客踢法保守,近5場4次開出2球或以下,面對喺芬超聯賽已經踢到季中、狀態明顯更弗嘅古比斯,哥本哈根醒目就睇定嚟踢,等次回合返主場再同對手見真章,今場入球細係心水之選。

AIK作客慢熱追半和
另外,匈甲費倫斯華路士主場迎戰以超特拉維夫馬卡比,特軍近6場歐霸作客,5次開出2球或以下,而且兩隊都未開咧,球員肯定未上力,估計入波唔慌多,入球細值博。最後沙姆洛克流浪主場火併AIK蘇納,瑞超一哥AIK蘇納作客表現慢熱,近5場歐霸作客,4次同對手半場打和,半場和值得追捧。