史莫洛夫「首球」趁熱食

2018-06-14 10:43:08 来源:互联网

俄超神射手入球率高
今晚世盃揭幕戰,由俄羅斯對沙特阿拉伯。作為東道主,俄羅斯為面子今仗相信會採取主動,先開紀錄機會較高,「首名入球」史莫洛夫有3倍相當抵玩!

俄羅斯今屆揀人方針以土炮為主,當中只有2名球員效力國外球隊,分別係效力西甲維拉利爾嘅翼鋒卓利舒夫同埋比甲布魯日嘅門將加布洛夫,不過要留意卓利舒夫雖略有名氣,但佢喺今年三月為俄羅斯披甲於熱身賽鬥法國前,已經有兩年未被選入國家隊,喺國際賽場上能否有好表現或成疑問。

其餘球員當中,最值得留意嘅就係效力俄超卡斯洛達嘅史莫洛夫。史莫洛夫除咗係2016/17年度俄超神射手之外,2017/18年度亦位處俄超射手榜次席,加上自2012年為俄羅斯披甲至今,入球率近4成,為國家隊射入12球,係今屆世盃參賽隊中入球最多球員。史莫洛夫首名入球賠率有3倍,當然值得捧場。

扒冷必選艾穆華勒
如果賠率未夠喉,想扒冷亦有推介,沙特阿拉伯選人方面亦係大部分用番本土球員,只有3名效力國外球隊嘅球員入選大軍名單,當中於今年年頭由伊蒂哈德借用到西甲利雲特嘅前艾穆華勒就最值得留意,呢隻矮腳虎速度快,擅於由邊路爆破,亦曾在今屆世盃外圍賽射入關鍵一球擊敗日本,從而取得直接躋身決賽周資格,所以首名入球賠率有15倍嘅艾穆華勒,的確係扒冷好選擇。

兩軍旺角球大
翻查兩隊近期賽事之角球總數量,發覺同樣較多,俄羅斯對上3場賽事角球總數均達9個或以上,而沙特近3仗亦有兩場角球總數超過9球,今場建議選擇中位數8.5球嘅1.63倍角球大。

沙特打「防反」偷雞
俄羅斯係東道主,估計今仗揭幕戰會主攻,但今場俄羅斯第一隊入球賠率分頭實在欠奉,顧及沙特阿拉伯應會以防反戰術應戰,隨時偷到雞入波先亦非冇可能,所以若想扒冷,第一隊入球有4.4賠嘅沙特阿拉伯亦可留意。

高路雲易領黃要吼實
特別項目方面,主要圍繞番史莫洛夫做選擇,佢係俄羅斯得分主力,而本身入球能力亦毋庸置疑,所以首先入波嘅賠率亦理所當然地較低,不過有2.2倍嘅「(3)入球」仍然值得捧場。另外中場球員高路雲亦可留意,佢上屆喺俄超差不多每3場就拎1次黃牌,比率頗高,今場不妨敲有4.5倍嘅「(1)被罰黃牌」。

论坛精华