瑞典啞火難讓弗爆秘魯

2018-06-09 12:17:49 来源:互联网

兩支世盃決賽周分子瑞典同秘魯,周日凌晨喺瑞典哥登堡進行最後一場熱身賽。主場出擊嘅瑞典近期識守唔識攻,對上兩場熱身賽都食白果;相反秘魯愈戰愈勇,隊長荷西古里路打甩停賽令,上仗復出即梅開二度,秘魯受讓必捧1.6倍讓球客勝。

(無綫myTV SUPER T302台周日凌晨1時15分直播)

兩隊近期都積極備戰,不過講成績及狀態秘魯更勝瑞典。瑞典近3場熱身賽只得1和2負,其中近兩仗鬥丹麥及羅馬尼亞都入唔到波,鋒力啞火。瑞典正選箭頭馬古斯貝治近年轉戰阿聯酋,整體水準難同歐洲主流聯賽相比,睇番瑞典能夠喺附加賽淘汰意大利,全靠主客兩回合成功封阻對手,主攻明顯唔係佢哋強項,穩守突擊先至最煞食。

打甩禁賽令古里路冇走樣
秘魯近4仗熱身賽贏晒,當中對手克羅地亞、冰島及沙特阿拉伯都係決賽周分子,表現充滿說服力。隊長荷西古里路為上年尾被指服食禁藥上訴成功,可以出戰決賽周,上仗復出即入兩球,幫球隊以3比0大勝沙特,狀態信心冇走樣,秘魯現時氣勢就算作客都唔驚。

论坛精华