比利時戰將爭位大搏殺

2018-06-02 09:43:23 来源:互联网

今晚爆發重量級國際熱身賽,「歐洲紅魔」比利時主場火併葡萄牙。比利時仍未定出23人世盃名單,好似中鋒賓迪基等一眾邊緣人,為咗爭搭尾班車一定搏甩髀,葡軍上仗拍跳出醜,谷埋成肚火唔會死守,今場實多波入,大盤咪錯過。
(Now 618及633周日凌晨2時45分直播)

比利時之前公布咗初選28人名單,即係話仲要剔走5人,先至落實出征世盃嘅23人名單。因此主帥馬天尼斯一定會借熱身賽嘅機會,考察一眾邊緣人,好似今季表現麻麻嘅中鋒賓迪基、好番冇耐嘅前鋒巴舒亞伊、闊別國家隊幾年嘅翼鋒贊奴沙,佢哋都自知唔係穩入23人名單,今仗必定趁機爭取表現,希望掹車邊參加世盃。

葡萄牙想贏但有前冇後
另一邊廂,葡萄牙堂堂上屆歐國盃盟主,上仗熱身賽領先2球之下,竟然畀非洲球隊突尼西亞逼和2比2,認真羞家,明顯防線唔多穩陣,但要留意,以往冇C朗就唔識入波嘅葡軍,上仗輕鬆入2粒,反映由哥利斯馬、祖奧馬里奧及安達施華組成的攻擊線,表現唔曳。而且今仗C朗好大機會繼續缺陣,靠晒佢哋數胡,上仗大好形勢咁都贏唔到,畀球迷插到暈,今仗梗係想贏番攞彩。當然「歐洲紅魔」都唔係善男信女,近5仗熱身賽狂轟13球,有4仗開3球或以上,預計今仗係鬥攻格局,捧入球大更划算。

论坛精华