惡客大分強爆風林

2018-05-26 08:50:10 来源:互联网

日職、韓職休戰期間,日乙如期上演,今日重頭戲由甲府風林主場對大分三神,榜首球隊大分三神今季表現如有神助,近11場聯賽贏咗8仗,最犀利係近4場作客全勝,勒都勒唔住。相反,甲府風林今季7次聯賽主場出擊,只有1勝,又點抵擋得住對手強攻呢?一於捧大分三神客勝。

(周六下午1時開賽)
甲府風林主場勝率低
大分三神上季僅排中游,但今季演出脫胎換骨,已連續6輪賽事高踞榜首,爭升班決心夠晒強。一對前鋒組合馬場賢治、後藤優介腳風亦好順,兩人今季聯賽合共已有10球進帳。其中即將33歲嘅馬場賢治寶刀未老,上場更加梅開二度。事實上,正因為大分三神有馬場賢治呢類經驗豐富嘅沙場老將助陣,作客自然踢得特別淡定,值得再追。

甲府風林取得聯賽3連勝,其中兩場係作客,但要留意佢哋今季「反傳統」,主場表現遠唔及作客好,今季7場聯賽主場僅取得1勝4和2負,反觀8場作客就獲得4勝2和2負。因此,甲府風林今仗返回主場比賽,反而更不利。除此之外,佢哋近期亦要兼顧日聯盃賽事,賽程比大分三神頻密,體力難免輸蝕,捧客軍為妙。

论坛精华