英甲附貝水一戰 查爾頓受讓筍

2018-05-13 10:27:27 来源:互联网

歐洲各大聯賽嚟到尾聲,當中今晚英甲升班附加賽4強上演次回合關鍵戰,由梳士貝利主場再鬥查爾頓。首回合梳士貝利作客贏1比0,表面形勢大好,不過佢哋季尾主場表現飄忽,近4次地頭出擊只獲1勝;客軍查爾頓背水一戰鬥志爆棚,可唔可以絕地反擊成功未知,但要保住唔輸問題不大,阿King推介1.52倍讓球客勝!
(周一凌晨零時15分開賽)

英甲奇兵梳士貝利今季開咧走勢強勁,曾經一度穩坐聯賽「1哥」席位,可惜去到季尾狀態下滑,最終只能以第3名過終點線,將直接升班資格嘅「2哥」位拱手讓咗畀布力般流浪,梳士貝利要透過附加賽嚟爭升上英冠。梳軍喺附加賽4強首回合作客「6弟」查爾頓,雖然憑中場莊路蘭於比賽尾段一箭定江山,搶得領先優勢,但佢哋近4次主場出擊,只獲1勝1和2負劣績,當中包括曾以0比2輸過畀查爾頓,今晚再遇客軍呢隻「受傷獅子」,梳士貝利唔易再佔甜頭。再者,現實啲睇佢哋今仗唔輸都夠晉級,爭勝意欲成疑,轉吼讓球客勝好過。

FC洛杉磯啞火 細盤趁熱食
另外阿King介紹埋周一早上兩場美職大戰。其中火力旺盛嘅奧蘭多城,主場火併同樣攻得嘅阿特蘭大聯,入球騷相信走唔甩,中位數3.5球嘅入球大有2.29倍咁好分頭,抵玩!
(無綫myTV SUPER 303周一早上6時直播)

尾場美職新軍FC洛杉磯主場挑戰紐約城,FC洛杉磯班前鋒喺新建主場冇料到,近3次主場全開2球或以下,今場大細中位數3.5球嘅1.57倍細盤可以趁熱食。
(無綫myTV SUPER 303周一早上8時30分直播)

论坛精华