巴塞歎私房菜讓客翻尋味

2018-05-13 10:26:49 来源:互联网

向各大紀錄進發
西甲冠軍巴塞隆拿本季聯賽無堅不摧,今晚作客已經成功護級嘅「私房菜」利雲特,「地上最強」繼續向住各大紀錄進發,甚有機會再演大屠殺!巴塞王牌美斯仍要力爭歐洲金靴獎,聯賽得番兩輪唔會留手爭取士哥,呢位阿根廷球王近年對親利雲特腳風特別順,近7次對賽巴塞有6次贏3球或以上,今仗讓球主客和巴塞讓二球唔怕辣,照捧讓球客勝可也!
(Now 632周一凌晨2時45分直播)

美斯爭歐洲金靴 盡情數胡
巴塞隆拿雖然已提早喺西甲封王,但唔代表佢哋會「揸流攤」,事關仲有幾個「任務」等緊佢哋,包括全季不敗奪冠、聯賽入球數字突破100球等(現時為94球),加上球王美斯要盡量爭取入球,確保歐洲金靴獎到手,相信嚟緊兩場波都會盡情數胡。事實上利雲特堪稱巴塞嘅「私房菜」,近7次交手巴塞贏晒之餘,有6仗仲炒夠3粒或以上,利雲特班球員可謂未踢先腳軟,單計美斯喺近5次對賽中,就7度攻破利雲特大門,絕對稱得上「利雲特剋星」。

利雲特近期4連勝狀態唔曳,不過球隊護級任務已經完成,爭勝意欲難免會出現動搖,上仗利雲特就首次派出沙特阿拉伯前鋒艾穆華勒上陣,大有試陣味道。今仗為利雲特主場謝幕戰,隨時「貪勝不知輸」主動出擊,咁搞法後防更形空虛,巴塞分分鐘又整多場大屠殺,讓球客勝屬信心之選。

论坛精华