雙艾亞冠搏拳大打出手

2018-04-16 13:38:20 来源:互联网

亞冠盃分組賽來到最後1輪,D組上演搏拳激戰,卡塔爾球隊艾雷恩主場對阿聯酋球隊艾阿恩,榜首艾斯迪格拿已獲出線權,第3位嘅艾雷恩落後第2位嘅艾阿恩1分,換言之艾雷恩必須贏波才出線,主場肯定豁出去一搏。艾阿恩和波都掂,但亦唔會坐以待斃,現時狀態大勇有力反擊,最好捧中位數2.5球入球大。

(周一晚11時45分開賽)

艾雷恩由丹麥名宿米高盧特立執教,見慣大場面,對於應付出線下風形勢,肯定未驚過,預料會擺大個頭搶攻。事實上,艾雷恩戰術同米高盧特立球員時代踢法一樣,都係以悅目及充滿娛樂性見稱,特別主場出擊更加係有前冇後,近6戰主場總入球都在3球或以上,其中5場總入球更達4球或以上,來到今場生死戰,相信艾雷恩踢得更進取。

聖保羅巴甲頭炮有鑊氣
艾阿恩近況大勇,4連勝轟入13球,以目前勇態當然冇理由踢守勢波,而且久守必失,相信會盡力爭取入波,令對手冇得翻身,屆時雙方或會大駁火。

葡超方面,里奧艾維近10仗主場取得7勝3和,要贏下游球隊唐迪拉,應該冇難度。巴甲聖保羅主場遇到新升班嘅帕拉拿,有力大勝一仗,打響新球季頭炮,直取讓球主勝。
 


分享到:
论坛精华