拉科防線穿窿大難臨頭

2018-02-12 16:57:29 来源:互联网

貝迪斯撻着火力全開
周二凌晨多場好波上演,阿King又有心水推薦,其中西甲有聯賽「失球王」拉科魯尼亞主場鬥貝迪斯。拉科條豆腐渣防線過去3輪聯賽失夠14球,已經搞到球隊深陷降班區,呢場仲要面對攻力不俗嘅「神經刀」貝迪斯,兩隊隨時再演入球騷,中位數2.5球入球大有1.54倍,攞嚟過關最穩陣。

(Now 632周二凌晨4時直播)
聯賽至今已經失咗51球嘅拉科,絕對係西甲防守最曳嘅球隊,而且佢哋今季已經兩度換帥,班波未夾熟上任主帥嘅戰術安排,依家要聽另一位新教頭施多夫支笛,睇見都唔慌穩陣。施多夫球員時代崇尚進攻,相信拉科似乎會專注進攻多於改善後防表現,加上對手貝迪斯近5仗聯賽全開3球或以上,呢場中位數2.5球入球大絕對冇走雞。

颶風隊托弗捧主勝
其餘過關心水,仲有周二早上兩場阿甲,其中近4仗聯賽主場取得3勝1和嘅颶風隊,有力延續強勢擊敗造訪嘅羅沙里奧中央,主勝值捧。最後有堤格雷主場火併小阿根廷人,小阿根廷人新兵巴里奧斯表現對辦,有力帶領球隊作客擊敗近兩主場輸晒嘅堤格雷,客勝要得過。

论坛精华