曼城捉狐狸 半主趁熱食

2018-02-10 10:44:45 来源:互联网

英超1哥曼城周日凌晨主場迎戰「狐狸」李斯特城。曼城聯賽主場已經豪取12連贏,加上上周聯賽作客般尼意外失分,今仗返主場為攞3分肯定搏盡,不過曼城主勝得1.13倍冇咩肉食,球隊近期防線演出一般,讓球主客和讓兩球略嫌冒險,改捧1.48倍半場主勝更有把握。(Now 621及LeSports周日凌晨1時30分直播)

李斯特城喺多位當年幫助球隊神奇奪冠嘅主力球員先後離隊後,實力今非昔比,最近就輪到馬列斯「玩嘢」,呢位阿爾及利亞球星因未能喺1月轉會窗如願過檔曼城,大玩失蹤,今仗會唔會披甲相信冇人知,加埋日本前鋒岡崎慎司有傷倦勤,令「狐狸」損失摧「城」拔寨嘅利器,作客想破關更難。

下周迎歐聯望速戰速決
曼城上仗聯賽作客同般尼打和1比1,連續3仗聯賽作客失分,不過之前兩次作客失分後,「藍月亮」跟住1仗返主場必能贏波反彈,加上曼城聯賽近12仗主場全勝,尤其射手阿古路喺自己地頭表現勁弗,近4仗聯賽主場個人就斬獲7球,「藍月亮」全取3分冇難度,考慮到曼城下周要喺歐聯16強作客巴素利,為保留體力,今仗定必希望速戰速決,半場主勝值得支持。

论坛精华