單挑3猛男陪你睇拜仁

2018-02-03 14:07:07 来源:互联网

主場素來喜歡搶攻嘅緬恩斯,自去年底戰績下滑,目前已淪為聯賽榜尾四後,近期踢法明顯有變,遇上強隊全力主守,去年底主場對多蒙特,同上輪作客利華古遜,上半場都屯重兵喺後防,結果都可以頂到半場不失,尤其上仗對利華古遜,上半場完全放棄進攻,憑嚴密防守令利華古遜整個上半場冇一次「中龍」射門,雖然最後佢哋仍然要輸0比2,但教練辛祖舒華斯對球隊嘅表現相當滿意,認為若非利華古遜紅人里安拜尼下半場一開波就射入世界波,緬恩斯最終搶到分都唔出奇,今晚佢哋主場面對實力更強嘅班霸拜仁慕尼黑,相信唔會放棄主守策略。

拜仁征緬恩斯吼半場細
拜仁喺聯賽經已7連勝,聯賽榜已拋離次席利華古遜16分,德甲6連霸幾成囊中物,不過老帥軒歷基斯向來要求都好高,有見拜仁近兩場聯賽對雲達不來梅同賀芬咸都先失波,搞到最終反勝都耗力甚多,近期佢積極同球員檢討,希望可以改善初段精神唔集中問題,佢更指今日起拜仁8日內要踢3場硬仗,今場作客緬恩斯之後,下周中德國盃又要作客對柏達邦,然後聯賽主場鬥啱啱批評完佢哋轉會策略嘅史浩克04,為保元氣,拜仁今仗會踢得更加穩陣,權威《踢球者》網站仲預期佢哋會畀王牌箭頭羅拔利雲度夫斯基輪休,球隊鋒力削弱,好消息係兩位後防大將曉姆斯同查維馬天尼斯都傷愈復出,令防線回復最強陣容,今場作客緬恩斯早段預期會係拉鋸戰,黑柴推介中位數1.5球嘅半場細盤。

论坛精华