威靈頓鳳凰強勢轟阿聯

2018-01-27 13:53:54 来源:互联网

杜蘭迪基舒拿迎里程碑

澳職包尾球隊威靈頓鳳凰,今日會喺主場迎戰阿德萊德聯,主隊近期表現大幅提升,近3仗聯賽拎到2勝1和不敗佳績,而且2大主力杜蘭迪同基舒拿今仗有望迎嚟職業生涯里程碑,梗係唔會畀阿德萊德聯搞串個Party,威靈頓鳳凰有望延續近期強勢,平手盤一於撐鳳凰!

(無線myTV SUPER 303周六下午2時35分直播)

阿德萊德聯吞完5蛋未消化

威靈頓鳳凰頭13輪聯賽只係贏過1場,但今個月就先後擊敗墨爾本勝利同紐卡素噴射機2支前列分子,球隊依家士氣高昂。鳳凰中堅隊長杜蘭迪今仗將會第278次喺澳職上陣,令佢追平胡高域成為澳職史上上陣最多球員;至於斐濟前鋒基舒拿,亦差1球就可以追平鳳凰史上最多入球球員紀錄(33球),今仗肯定搏甩髀。

作客嘅阿德萊德聯就狀態麻麻,近5仗聯賽只係贏過1仗,上輪作客吞墨爾本城5隻蛋,更加嚴重打擊球員士氣,今仗哀兵上陣唔多樂觀,捧威靈頓鳳凰先係正路。

论坛精华