鳳凰防線穿窿大禍臨頭

2018-01-10 15:50:15 来源:互联网

鳳凰防線穿窿大禍臨頭

周三好波連場,想知有乜好路數?等我阿King畀啲貼士大家啦!周三下午澳職包尾嘅威靈頓鳳凰主場迎戰墨爾本勝利,鳳凰防線表現慌失失,而且近5次主場全開3球或以上,今場面對近況不俗嘅勝利難保清白之身,中位數2.5球入球大值得追捧,加上西班牙盃貼維拉利爾入球細,以及同皇家馬德里大盤,3串1過關有5.2倍博得過。

墨爾本勝利近況弗

僅得7分位列聯賽榜尾嘅鳳凰,為咗爭取稍為見得人嘅成績,近期先後簽入前鋒尼敦般斯及塞爾維亞中場盧積等進攻好手,攻力方面肯定有所提升,不過球隊後防疲弱嘅問題似乎未解決到,球隊近3仗主場不設防一樣狂失11球,而且已經7輪未贏過波,球隊有前冇後踢法實在難喺聯賽搶到分,今場面對近4仗3勝1和嘅墨爾本勝利,預計鳳凰喺前場就算有斬獲,都唔夠幫補後防甩漏。既然入埋都唔夠後面輸,今場大細中位數2.5球嘅入球大絕對玩得過。

(無綫myTV SUPER 303周三下午2時35分直播)

皇馬搵乙組仔出氣

過關可以玩埋兩場西班牙盃16強賽事,首先近6仗全開2球或以下嘅維拉利爾,面對首回合贏住1球兼防守特別叻嘅雷加利斯,今場次回合維拉利爾睇怕未必咁容易搵到入球,捧中位數2/2.5球嘅入球細較穩陣。至於啱啱喺聯賽作客失分嘅皇家馬德里亦會登場,「銀河艦隊」近5主場有4次開4球或以上,同作客表現截然不同,今場面對實力欠奉嘅乙組仔紐文西亞,皇馬有望再演入球騷,大細中位數調高至3.5球,大盤仍然抵撐。

论坛精华