聯賽盃4強雙城捱細界

2018-01-09 13:51:53 来源:互联网

聯賽盃4強雙城捱細界

英格蘭聯賽盃4強首回合,曼城主場迎戰「巨人殺手」布里斯托城。曼城今屆喜用副選出戰英聯盃,所以晉級過程絕對唔算清脆;布里斯托城今屆已經先後踢走4支英超球隊,包括上屆冠軍曼聯,實力唔可以睇少,既然曼城今屆3仗英聯盃從未贏多過對手1球,總入球皆在3球或以下,今場寧捧3.5球嘅入球細。

(周三凌晨3時45分開賽)

曼城出副選欠霸氣

曼城今季4線作戰,當中英聯盃主要畀一班副選,好似中場耶耶托尼、貝蘭度施華、辛真高及艾達拉比奧約等擔大旗,所以整體演出並冇聯賽18連勝嘅應有霸氣,除咗對上2圈對狼隊及李斯特城均要踢足120分鐘、最後僅憑互射12碼晉級,作客面對聯賽榜下游的西布朗亦僅勝2比1,3仗英聯盃全開3球或以下,為免再添傷兵相信會避重就輕。

布里斯托城今屆英聯盃先後踢走屈福特、史篤城、水晶宮及曼聯4支英超球隊,雖然佢哋上周末喺英足盃第3圈淨吞屈福特3蛋,不過正選陣容比起8強對曼聯嘅時候作出了7個調動,主力包括占美柏達臣、卜比列特及祖爾拜仁等等全部休息,擺明留力博今仗。曼城今屆3場英聯盃從未試過淨勝對手2球或以上,讓球主客和讓兩球太多,今場揀中位數為3.5球嘅細盤更划算。
 

论坛精华