愛華頓打吡戰受讓筍

2018-01-05 13:43:40 来源:互联网

愛華頓打吡戰受讓筍

英足盃第3圈周六凌晨將會上演默西賽德郡打吡,利物浦將會坐鎮主場迎戰愛華頓。「紅軍」啱啱使天價買入荷蘭中堅華基爾雲迪積克為後防增兵,不過呢位前修咸頓後衞能否解決球隊積弱已久嘅防守問題,依然係未知之數,今場紅軍仲要面對有專剋利物浦嘅「拖肥」新帥「大Sam」艾拿戴斯,實在沒有足夠本錢讓波,捧有3.1倍嘅讓球客勝。

(ViuTV 99及Now 633周六凌晨3時55分直播)

雲迪積克未必即時幫到手
利物浦上仗面對般尼再度失守,好彩臨完場前成功絕殺先保住3分,可見防線甩漏情況依舊,近期紅軍以7,500萬鎊超高價,揾嚟前修咸頓後防核心華基爾雲迪積克,睇得出領隊高普想解決球隊後防疲弱問題嘅決心,不過以為重本買後衞就想將防線問題徹底根除未免太天真,好似當年洛夫雲加盟前,喺修咸頓表現都曾經堪稱完美,不過近年喺紅軍就經常被人詬病。而且華基爾雲迪積克初來乍到磨合需時,冇可能即插即用,加上球隊取勝王牌穆罕默德沙拿上仗傷出未必好得番,賽前仲拉埋沙迪奧文尼遠赴加納參加非洲足球先生頒獎典禮,兩人舟車勞動體力肯定輸蝕,呢場紅軍冇絕對優勢。

艾拿戴斯近3戰利物浦不敗
「拖肥」自從新領隊艾拿戴斯接手後重回正軌,近9仗取得4勝3和2負成績,而且「大Sam」近3次面對利物浦,無論係帶新特蘭、水晶宮或愛華頓都未輸過波,上季教水晶宮仲以2比1殺敗紅軍,今季聯賽面對利物浦嘅猛烈圍攻之下,最終都成功領導「拖肥」1比1逼和同城死敵,可見大Sam對付紅軍係有啲計,呢場睇好佢哋再喺打吡戰有好表現,讓球客勝唔好錯過。

论坛精华