巴塞難啃切爾達

2018-01-04 10:43:01 来源:互联网

巴塞難啃切爾達

西班牙盃16強首回合,兩大豪門巴塞隆拿、皇家馬德里分途出擊!巴塞隆拿首先登場,作客切爾達,巴塞兩位超級射手美斯同蘇亞雷斯剛放完假歸隊,預料今場只會做觀眾,加上球隊近兩次作客切爾達,都輸波而回,呢舊豬頭骨非常難啃,「讓球」切爾達受讓一球,捧下盤。

(周五凌晨2時開賽)

美斯同蘇亞雷斯獲延長假期,直至西班牙時間周二先至歸隊,由於兩位巨星由南美洲坐長途機返西班牙,經過舟車勞頓及時差影響,相信教練華爾維迪唔會冒險派佢哋上陣。撇開呢兩位大哥,巴塞鋒線上得番柏高艾卡沙、迪路菲奧,以及奧士文尼迪比利,其中奧士文尼迪比利因傷長抖3個半月,近期先至復操,估計今場都係先任後備,巴塞攻力令人擔心。

切爾達可以話係巴塞嘅剋星,上月初聯賽造訪魯營,打和巴塞2比2,近兩次主場鬥巴塞,更加分別大勝4比1及贏4比3,非常誇張。切爾達深明次回合作客難踢,今場首回合更加要把握地利,爭取再次爆冷擊敗強敵,鬥心一定強,受讓值博。

皇馬炒「紐」冇手軟
至於皇馬作客乙組仔紐文西亞,由於皇馬西甲爭標機會渺茫,應會更重視西盃,加上對手較弱,就算皇馬出副選,都夠力炒紐文西亞,直取讓球客勝。另外,愛斯賓奴近期當旺,上仗西甲主場力挫馬體會,今仗西盃主場對弱隊利雲特,主W值得再追。

(周五凌晨4時開賽)

论坛精华