熱刺當弗明恰錘仔幫

2018-01-04 10:42:47 来源:互联网

熱刺當弗明恰錘仔幫

英超聖誕新年賽期壓軸戰上演倫敦打吡,由弗到爆嘅熱刺主場鬥「錘仔幫」韋斯咸。熱刺近期火力全開,尤其當家射手哈利卡尼腳風順到冇朋友,近2次踢正選都連中三元,加上球隊近4次坐鎮溫布萊主場,有3次都贏對手3球或以上,讓球盤熱刺就算讓韋斯咸1.5/2球都冇有怕,上盤好路。

(Now 621及Le Sports周五凌晨4時直播)

熱刺踢聖誕新年快車賽期不嬲醒神,近4季共出戰15仗,錄得13勝2和嘅不敗佳績,更值得慶幸嘅係,佢哋已經完全擺脫季初喺溫布萊擺陣一勝難求嘅「魔咒」,近4次主場出擊全勝,兼場場以大比數完勝,其中南韓前鋒孫興民喺呢4場都有波入添。

不過講到熱刺嘅風頭躉,就梗係正印前鋒哈利卡尼啦!呢位英格蘭射手喺「快車期」對般尼同修咸頓連續上演帽子戲法,幫球隊取勝之餘,還打破多項個人紀錄。翻查往績,原來哈利仔仲係「錘仔幫」剋星,近5次聯賽交手就有3次梅開二度,加上昨晨作客史雲斯一戰熱刺領隊普捷天奴將哈利卡尼列為後備,今戰抖夠出擊隨時更掃幾粒都唔出奇。

韋斯咸防線鬧兵荒
反觀韋斯咸喺「快車期」就唔多掂檔,近3仗只係贏到1場,而且失咗7球,其中就包括係領先情況下畀般尼茅夫逼和3比3,以及2比3不敵今季新升班嘅紐卡素,好明顯新帥莫耶斯未能完全堵塞防線嘅漏洞,今仗主力後衞荷西方迪繼續缺陣,加上占士哥連斯及左閘艾朗加斯威爾都受傷,防線雪上加霜,難逃大敗。

另外,熱刺主場對韋斯咸呢對「倫敦打吡」往往踢到飛沙劈石,近6次交手總入球都係3球或以上,可以捧埋中位數2.5球嘅入球大。

论坛精华