錘仔西布朗大晒冷

2018-01-02 13:24:25 来源:互联网

錘仔西布朗大晒冷

護級生死鬥搏甩髀
今晚護級生死鬥尾3嘅「錘仔」韋斯咸主場對尾2西布朗。兩軍皆於季中易帥,相比之下「錘仔幫」喺莫耶斯帶領下近況較佳,尤其係佢成功激活前鋒阿拿奧杜域,但今仗屬6分波西布朗唔會坐以待斃,兩軍近年交鋒常演入球騷,為護級必搏甩髀,2.5球嘅2.3倍大盤好路。
(Now 624及Le Sports周三凌晨3時45分直播)

「莫天才」激活阿拿奧杜域
莫耶斯向來擅教中型班,佢喺11月中代替比歷接掌韋斯咸後,9場聯賽錄2勝3和4負,包括贏過車仔及和阿仙奴,表現明顯有起色,尤其前鋒阿拿奧杜域喺佢麾下重生,近5仗聯賽入5粒,連同阿休及蘭仙尼後上支援,火力唔弱,「莫天才」唔係浪得虛名。

西布朗季中搵咗柏杜代替佩尼斯掌舵,可惜接手後7場聯賽未贏過,上仗靠問題12碼逼和阿仙奴1比1,前鋒積洛迪古斯總算打破2個多月嘅入球荒,西布朗現時以16分排尾2,落後韋斯咸2分,如果今仗贏波就可爬過對手頭,隨時反客為主搶攻,兩軍近4次交手有3次開3球或以上,大盤極吸引。

论坛精华