拿玻里「讓主」過關膽

2018-01-02 13:23:12 来源:互联网

拿玻里「讓主」過關膽

意盃專家主場一條龍
除咗英超外,今晚仲有意大利盃及英冠賽事,阿King都喺當中搵到筍嘢。意盃8強拿玻里主場對阿特蘭大,聯賽「1哥」拿玻里目標直指聯賽及盃賽「雙冠王」,佢哋近年踢意盃戰績甚佳,包括2012及2014年捧盃,上屆亦能夠進身4強,同埋拿玻里近4次意盃主場出擊全勝,讓球主勝可作過關重心。(周三凌晨3時45分開賽)

拿玻里上月初曾遭逢聯賽不敵祖雲達斯及歐聯出局打擊,但現時已重回正軌,近兩次主場都贏波,包括上圈意盃擊敗大勇嘅烏甸尼斯。拿玻里上屆意盃4強次回合主場亦曾擊敗最終冠軍嘅祖雲達斯,可見呢支意國南部勁旅主場威力有幾勁。

阿特蘭大雖然近期聯賽表現唔曳,但踢盃賽又係另一回事,佢哋近5場意大利盃作客輸晒,其中4場更加輸兩球或以上,包括2014年1比3不敵今場對手拿玻里。除此之外阿特蘭大近5次對拿玻里,亦輸咗3次,當中今季季初聯賽作客又係輸1比3,今晚面對充滿決心嘅拿玻里,阿特蘭大睇怕凶多吉少。

富咸狼隊分途搶W
英冠方面,榜首狼隊已遠遠拋離次席打比郡,表現超班,加上近8場主場取得7勝1和佳績,今晚主場可望輕取賓福特;至於另1場同時間開波嘅英冠,富咸近3次對葉士域治,都能淨贏兩球,擺明剋死對手,今仗有埋地利,揀主W穩陣。
(周三凌晨3時45分開賽)

论坛精华