史雲斯熱刺駁火騷

2018-01-02 13:22:23 来源:互联网

史雲斯熱刺駁火騷

新帥埋位顯攻架
上季英超亞軍熱刺今季表現飄忽,最主要原因係防守穩定性大不如前,好多時都係靠前場火力搭夠,熱刺今晚作客啱啱換帥嘅史雲斯,「天鵝」新帥卡路士卡維奴向來崇尚進攻足球,今仗大有機會鬥攻,中位數2.5球嘅1.68倍大盤值試。
(Now 622及Le Sports周三凌晨3時45分直播)

熱刺防線近期頻甩漏
熱刺上季全季只失26球,屬英超防守最強球隊,不過今季穩健不再,近6仗聯賽作客只有1仗可以保持不失,合共失咗10球咁多,中堅艾達韋列特長期缺陣影響極大。熱刺依家靠強勁火力支撐,除咗連續兩場聯賽大演帽子戲法嘅神射手哈利卡尼外,孫興民、基斯甸艾歷臣同迪利阿里都屬進攻能手,即使賽前消息話哈利卡尼有病在身,熱刺入波依然唔成問題。

史雲斯早前請嚟卡路士卡維奴執教,呢位葡國主帥上季帶錫周三拎到英冠第4名,差啲升埋上英超,領軍當然有一手。佢上任後首戰作客即以2比1贏屈福特,隊波士氣返晒嚟。卡路士卡維奴向來崇尚進攻,之前執教其他球隊亦經常花重金收購前鋒,兩軍近8次交鋒7次總入球達3球或以上,今仗大盤正路。

论坛精华