新年六寶半全場

2018-01-01 22:13:00 来源:互联网


第1關 球賽編號︰(一)4
般尼 VS 利物浦
般尼喺戴治領軍下踢法硬淨,良好嘅防守紀律,對手難以一時三刻搵到辦法攻破,尤其利物浦最煞食嘅快速反擊,對住般尼密集防線未必有甜頭,兩隊近6次交鋒有4次開半場和(67%),今仗值得再追。不過「紅軍」畢竟技高一籌,下半場或可趁般尼體力下降搵到漏洞,「和客」將會係最佳選擇。
般尼近6次對利物浦
DD DL WW LL DL DL
半場1勝4和1負、全場1勝1和4負
投注策略
首選︰和客 次選︰和和

第2關 球賽編號︰(一)5
李斯特城 VS 哈特斯菲爾德
「狐狸」李斯特城自從佩爾執教後,成績得到顯著提升,占美華迪及馬列斯兩位進攻王牌亦愈嚟愈生猛,相反哈特斯菲爾德表現回落,近9仗聯賽作客只得1勝,而且輸咗6仗咁多。再者,李斯特城近5次聯賽對哈特斯菲爾德,有4次都係半場領先之下贏波,今仗捧「主主」絕對穩陣。
李斯特城近5次聯賽對哈特斯菲爾德
DD WW WW WW WW
半場4勝1和、全場4勝1和
投注策略
首選︰主主 次選︰和主

第3關 球賽編號︰(一)6
史篤城 VS 紐卡素
今季英超3支升班球隊,以紐卡素表現最令人失望,佢哋近8仗聯賽作客只係贏過1仗,今仗造訪主場硬淨嘅史篤城唔多樂觀。事實上,史篤城近3次喺主場對「喜鵲」都順利贏波,全場主勝必定要追,而且史篤城其中2仗都喺上半場已經領先,投注首選非「主主」莫屬,穩陣啲可以揀埋「和主」。
史篤城近3次主場對紐卡素
DW WW WW
半場2勝1和、全場3勝
投注策略
首選︰主主 次選︰和主

第4關 球賽編號︰(一)7
保頓 VS 侯城
今場係兩隊護級「6分波」,尤其係保頓更加要把握地利優勢搶分。保頓近7場主場取得4勝2和1負,對下游球隊來講,已算唔錯,而且近7場主場有5場上半場領先。至於侯城近5場作客2和3負,今場形勢不妙。再睇埋保頓近2次主場對侯城都勝出,其中1次開出「主主」、1次開出「和主」,兩者可兼投。
保頓近2次主場對侯城
DW WW
半場1勝1和、全場2勝
投注策略
首選︰主主 次選︰和主

第5關 球賽編號︰(一)9
列斯聯 VS 諾定咸森林
列斯聯位居前列,屬於爭升班分子,球隊主場發揮不俗,近4次主場取得3勝1和,而且都係上半場已經領先,表現非常搶韁。反觀,諾定咸森林成績比較差,特別係近5次作客,錄得1和4負劣績,其中3次上半場落後,另外2次半場和波。雙方近2次交鋒,列斯聯全勝,1次半場領先,1次半場和,可揀定「主主」、「和主」。
列斯聯近2次對諾定咸森林
WW DW
半場1勝1和、全場2勝
投注策略
首選︰主主 次選︰和主

第6關 球賽編號︰(一)39
愛華頓 VS 曼聯
雖然曼聯頻頻失分,但近4場英超作客仍然取得3勝1和,其中3場上半場領先。不過「紅魔」近3次對愛華頓,即使有2次上半場領先,但全場僅有1勝2和,可見要喺「拖肥糖」身上全取3分並不容易。而且曼聯喺早前英聯盃作客布里斯托城、英超作客李斯特城,都曾於補時失波,不妨冷敲「客和」,再補個「客客」。
愛華頓近3次對曼聯
LL WD LD
半場1勝2負、全場2和1負
投注策略
首選︰客和 次選︰客客

论坛精华