巴塞老鼠拉龜吼半場和

2017-12-17 15:12:45 来源:互联网

留力國家打吡免添傷兵

西甲「一哥」巴塞隆拿今晚主場迎戰護級分子拉科魯尼亞,巴塞隆拿雖然坐擁美斯等神級攻擊球員,不過今季喺華爾維迪執教下,仍然採取穩中求勝策略,目前以不敗姿態高踞榜首,尤其上半場多數唔會去盡,近6仗有5次半場和波,今仗面對死守嘅拉科魯尼亞亦唔會硬闖,半場和值得再追。

(Now 632周一凌晨3時45分直播)

巴塞隆拿開咧後一直排喺榜首,不過皇馬、馬體會等勁旅都已上力,絕對唔可以掉以輕心,巴塞隆拿下星期就會迎嚟「國家打吡」,作客硬撼死敵皇家馬德里,一眾球員肯定唔希望喺大戰前先嚟受傷或者停賽,況且中場恩尼斯達及拉芬夏艾蕳達拿剛傷愈復操,就算前鋒拍檔美斯同蘇亞雷斯腳風唔錯,但今仗面對拉科魯尼亞相信只會抱住「就住踢」心態,只求完成全取3分嘅任務,遇上死守嘅客隊會靜待機會出現,避免硬闖造成不必要嘅受傷。

雷仙奴復出鞏固拉科防線

近年成績麻麻嘅拉科魯尼亞近期狀態略見回勇,近4仗賽事攞到2勝1和1負成績,絕對唔係任人魚肉嘅弱旅,當然今仗作客魯營球場要贏波係極艱巨任務,因此預計佢哋將會以1分為目標全力死守,而且拉科魯尼亞嘅葡萄牙守將雷仙奴已經傷愈,有佢領軍可望令防線更鞏固。拉科魯尼亞上半場球員體力充沛情況下,絕對有力抵抗巴塞隆拿嘅進襲,「半場和」係最佳選擇。

论坛精华