熱刺攻城撐下盤

2017-12-16 13:59:19 来源:互联网

夠分量做連勝終結者

今晚英超尾場上演壓軸好戲,如日方中嘅曼城主場迎戰熱刺。「藍月亮」聯賽連勝紀錄已增至15場,除早已打破英超紀錄,更向領隊哥迪奧拿率領拜仁時所創嘅5大聯賽19連勝紀錄邁進,呢個時候同曼城作對需要膽量,但樂比認為熱刺絕對有資格同分量做「連勝終結者」,熱刺受讓一球,捧1.98倍下盤!

(Now 621及LeSports周日凌晨1時30分直播)

本來樂比就唔係太建議同一啲弗到爆炸嘅球隊作對,但如果你想坐曼城順風車亦唔容易,畢竟曼城現時喺聯賽榜拋離第2位嘅曼聯足足有11分之多,盤口亦愈嚟愈熱,依家先「上車」就等同喺股市歷史高位入市,又或者音樂椅遊戲尾聲先加入,音樂幾時停真係冇人知。

再強巨人都有倒下一日

不過,大家都要相信操盤手係非常專業嘅,如果佢睇得準嘅話,理論上每個亞洲盤上下盤開出機會都係均等,所以曼城開一球呢個盤口嚟講,上盤絕對唔一定開硬,事實上以盤路計,英超盤王亦唔係曼城,而係般尼!講咗咁多分析無非係想畀番個訊息大家:再強嘅巨人都有倒下一日。縱使曼城狀態係好弗,但踢波嘅嘢,都係一場還一場咁睇好啲。

熱刺經過早輪低潮後,近排全面復甦升番上第4位,周中快車雖然收起中場主力迪利阿里,等佢休息吓充當後備,但仍以2比0輕取白禮頓,所有賽事連贏3場,由於今季歐聯入場券爭逐異常激烈,今仗呢3分熱刺可以話仲肉緊過放到甩轆嘅曼城。

熱刺近4次對「藍月亮」不敗

事實上,熱刺可以話係連勝球隊剋星,上季大勇嘅聯賽冠軍車路士曾一度寫下13連勝佳績,結果就係以0比2不敵熱刺終止連勝紀錄,另外上季季初6連勝嘅曼城,亦正正係畀熱刺煞停結束連勝,往績計熱刺近4次對「藍月亮」都唔使輸,今場絕對係有機會再做「連勝終結者」,受讓一球樂比推介呢個下盤!
 

论坛精华