白禮頓史篤城鬥守獻細

2017-11-20 14:28:46 来源:互联网

英超今季3支升班球隊表現唔錯,依家全部可以坐住中游位置,最大原因就係佢哋防守做得好出色,好似今晚將會主場迎戰史篤城嘅白禮頓,雖則火力一般,但近11場比賽竟然有6場保持不失球,今仗有望繼續靠守搶分,入球細(2.5球)係穩陣之選。

(now 621及LeSports周二凌晨4時直播)

白禮頓領隊曉頓上季靠超強防守拎到升班資格,估唔到升上英超一樣有用,白禮頓今季聯賽生波只失過6球,僅多於曼聯同熱刺2大勁旅,證明白禮頓防守好難被擊破。事實上,白禮頓近6仗聯賽有5仗總入球都係得2球或以下,期間拎到3勝2和1負成績,今仗自然繼續踢穩陣波搶分啦。

史篤城今季作客成績極差,但自從上月被曼城大炒7比2後,球隊似乎學精咗,上次作客聯賽對屈福特先搞好防務,結果順利贏1比0拎到今季作客首場勝仗,史篤城防線有葛特蘇馬同梳爾哥斯兩支大杉壓陣,專心防守嘅話絕對唔易應付,今仗惡鬥白禮頓似乎唔會多波入,細盤必捧。

论坛精华