蘇超攻略:喜伯年主場開餐食得「咸」

2020-10-02 18:15:14 来源:网络

蘇超攻略:喜伯年主場開餐食得「咸」

星期二心水又係輸重心,中配腳,激死人;荷乙唔順就轉場,周五有四場蘇超,其中兩場主隊鴨巴甸、喜伯年(圖)似乎幾超班,如無意外拎到三分,當中對喜伯年較大信心,「讓球主客和」嘅「主勝」可以做重心。

蘇超踢咗九周,榜首雙雄冇咩懸念,都係格拉斯哥流浪同些路迪兩大班霸,不過喜伯年排到第三位,都只落後榜首格流六分,都唔算太差,雖然今季主場戰績牌面麻麻地,只贏一場,其餘3場2和1負,不過和到格流已經唔講得笑,上仗作客大敗些路迪,都叫做冇話可說,連撼兩大老虎後,今次對番較弱對手,應該可以回復真身。客隊咸美頓開季只得七分,只係得失球較佳先唔使包尾,對住真正強隊,好似格流、些路迪都係輸,今仗面對喜伯年都只望輸少當贏。鴨巴甸主場喺蘇超都叫做穩陣,不過鴨軍今季主場就冇大勝,贏利雲斯頓同基爾馬諾克都係僅熟一球,「讓球主客和」博好分,敲吓「和局」。

周二推介中兩場日乙,包括榜首德島漩渦,作客都可以喺前列大戰擊敗長崎成功丸,有晒證明。周六回師主場,以FC琉球兩連敗兼冇波入嘅近況,德島有望大勝鞏固榜首,「讓球主客和」直指「主勝」。