Mic少:白禮頓衝超主場先除根

2017-04-17 08:37:58 来源:互联网

 
英冠進入大直路,榜首白禮頓今晚有望迎來歷史性時刻,佢哋今仗只要主場贏韋根,再加上第3位哈特斯菲爾德失分,就可以首次升上英超,唔止係一種榮譽,下季更加能夠透過英超電視轉播及商業贊助,獲取近2億鎊(約19億港元)收入。白禮頓肯定搏老命,絕對唔會放過尾二嘅韋根,直取讓球主勝。

(周一晚10時開賽)

英冠只剩下4至5輪聯賽,白禮頓、紐卡素已帶出,好大機會以前2位直接升上英超,第3至6位球隊需要踢附加賽,爭奪餘下1個升班席位。白禮頓過去4季有3季喺升班附加賽出局,同英超擦身而過,認真悲情。不過今時唔同往日,白禮頓現時拋離踢少1場嘅哈特斯菲爾德12分,得失球差多哈軍31球,升班資格十拿九穩。如果哈特斯菲爾德今晚作客贏唔到打比郡,而白禮頓贏波,更可立即獲升班資格。

事實上,白禮頓銳不可當,取得4連勝,包括上仗作客以2比0輕取狼隊,近13場主場更加贏咗11場,點睇都冇可能失拖。至於對手韋根雖然取得2連勝,但都係主場,而且兩戰失4球,防線唔穩陣,加上近5場作客4敗,試問又點抵擋得住如日中天嘅白禮頓呢?

哈特斯遇打比郡易失分
另一場,哈特斯菲爾德好可能「助攻」白禮頓升班,因為哈軍近6次作客打比郡,全敗收場,1分都未攞過,睇怕今仗失分機會極高,白禮頓球迷真係可以買定香檳慶祝喇。

(周二凌晨零時開賽)
 

流言情报