工廠仔:阿仙奴米堡鬥充大頭鬼

2017-04-17 08:37:00 来源:互联网

 
防線唔掂以攻代守
英超今晚上演獨腳戲,由阿仙奴作客護級分子米杜士堡,「兵工廠」近期狀態同士氣都跌落谷底,全隊上下都愁雲慘霧,對住排尾2嘅米堡都唔敢話Sure Win。阿仙奴近期中門大開,失波好似倒水咁倒,今仗對住急於搶分護級嘅主隊,勢必齊齊充「大頭鬼」狂攻,中位數2.5球大盤,1.62倍趁熱食。

(Now 621及LeSports HK應用程式周二凌晨3時直播)

今次係阿仙奴連續第2個星期作客出戰周一壓軸戰,上個星期作客水晶宮慘吞3蛋,領隊雲格遭逢阿仙奴執教生涯首次聯賽作客4連敗,當中最大問題係防線全面崩潰,4場輸波都被對手攻入3球,近9仗聯賽作客只係有1仗能夠保持清白之身,而且全部總入球都達3球或以上。

阿仙奴唔識防守已經係人所共知,但佢哋進攻能力絕對唔弱,今季15仗聯賽作客入30球,平均每仗作客可入2球,阿歷斯山齊士、韋碧克、禾確特、基奧特同奧斯爾等攻擊手全部候命,「兵工廠」仲想爭入前4嘅話,今仗係非勝不可,放手狂攻係好正路。

尾2米堡護級冇退路
至於主場嘅米杜士堡依家排聯賽尾2,落後尾4嘅侯城6分,要逃出生天嘅話一定要全力爭勝,就算和波拎1分對護級都冇乜幫助,既然已經冇退路,今仗藉住主場之利肯定搶攻,趁阿仙奴狀態低迷博大霧,希望執晒3分,而且西班牙箭頭尼格度月初打破入球荒,有望喺阿仙奴條疲弱防線搵到食。
 

流言情报