Mic少:射手鬥法拖連奴 國米玩大佢

2017-03-18 07:58:53 来源:互联网

 
今輪意甲焦點必屬拖連奴主場對國際米蘭,事關今仗係射手榜「榜首大戰」,拖連奴前鋒比洛迪以22球做緊一哥,國米射手莫路伊卡迪以20球緊隨其後。兩部入球機器正面交鋒,勢必互相駁火,首選入球大。(TVB 302周日凌晨1時直播)

拖連奴現時雖然排第10位,但入波仲多過第4位嘅拉素,皆因比洛迪大熟大勇,已轟入22球。呢位23歲意大利國腳集力量同速度於一身,而且把握力強,被譽為韋利同恩沙基嘅混合體,有佢助陣,拖連奴就有入波保證。不過,拖連奴衰在防守好弱,近10場比賽都失波,因此頻頻開出大比賽數果,近5輪意甲,每場總入球都達4球或以上,無疑係大盤佳品。

國米伊卡迪僅落後2粒
國際米蘭繼贏卡利亞里5比1後,上仗再炒阿特蘭大7比1,莫路伊卡迪上仗射入3球,連中場班尼加都上演帽子戲法,班中前場球員着晒火,要撕開拖連奴防線,應該冇問題,入球大抵捧。

流言情报