工廠仔:多蒙特讓主有計

2017-03-17 09:45:28 来源:互联网

 
主場惡爺恰魚腩
德甲今晚獨腳戲有多蒙特登場,呢支勁旅今季表現飄忽,之前喺歐聯強勢殺入8強後,上輪聯賽竟然輸畀哈化柏林,不過今晚主場迎戰弱旅恩高斯達特,仍然值得睇好,事關「蜜蜂兵團」主場成績卓越,對住降班熱門恩高斯達特大勝可期,讓球主勝必捧!

(Now 670、FSP、有線61及201台周六凌晨3時30分直播)

多蒙特今季一直靠主場食胡,11仗聯賽主場有8勝3和不敗成績,而且近3仗主場更加大開殺戒,分別贏3比0、6比2同4比0,王牌前鋒奧巴美揚近4次上陣入8球狀態巔峰,雖然周中德盃補賽作客SF洛特聲稱受傷避戰,但據報傷勢唔算嚴重,如無意外會復出掛帥,而且舒賀爾尼周中打破近2個月入球荒,令隊波又多一把尖刀,大炒冇問題。

恩高斯達特腳軟等降班
恩高斯達特目前以19分排聯賽尾二,而且距離尾三嘅漢堡都有7分距離,護級形勢極度險峻,最慘係球隊狀態仍然低迷,近6仗聯賽只得1勝,明知要搏命都有心無力。恩高斯達特對上一次作客就以2比5慘敗喺賀芬咸腳下,今仗面對火力更強嘅多蒙特,實在凶多吉少。
 

流言情报