AC夠飢渴搶W冇甩拖

2017-01-12 09:37:36 来源:互联网

今晚仍然有意大利盃16強賽事,AC米蘭主場對拖連奴,AC上屆意盃打入決賽,僅於加時不敵祖雲達斯,今屆捲土重來更加渴望捧盃。事實上,AC今季由少帥蒙迪拿執教後,重用年輕球員後球隊表現大躍進,加上近6次主場鬥拖連奴,獲得5勝1和優勢,主W值博。

(周五凌晨4時開賽)

拖連奴遇強即屈
AC米蘭過去3季意甲排名最高僅第7位,已經連續3年無緣出戰歐洲賽,為重拾昔日光輝,今季球會致力年輕化,除起用「飛機仔」蒙迪拿執教外,一班「90後」包括門將基安盧基當拿隆馬、後防阿利斯奧羅馬洛尼、中場蘇索及文路爾盧卡迪利等更成功接班,帶領AC復興。

AC復興代表作必數首循環聯賽主場1比0擊敗聯賽5連霸嘅祖雲達斯,早前喺意超盃,再憑互射12碼擊敗祖記,贏得球會自2011年以來首項正式冠軍,士氣進一步提升,當然希望今季可以捧埋意盃。

拖連奴主帥米赫洛域上季被AC炒魷,今季聯賽首循環倒戈作客AC,以2比3落敗,可見佢教波功力的確唔及蒙迪拿。事實上,拖連奴往往「遇強即屈」,今季聯賽面對其餘幾支名牌球隊,例如國際米蘭、祖雲達斯、拿玻里,都告落敗,今仗凶多吉少。
 

流言情报