美斯謙:墨城趁火打劫贏德

2017-01-12 09:37:10 来源:互联网

 
澳職今日上演獨腳戲,包尾嘅阿德萊德聯主場對排第3嘅墨爾本城,阿聯近況低沉,而且連續3仗都入唔到波,球隊攻力麻麻,今仗就算有主場之利,都唔係咁易擊敗上仗剛換帥即贏波嘅墨爾本城,讓球盤墨城小讓平半有1.9倍,阿謙推介上盤。

(有線64及203台周四下午4時50分直播)

阿德萊德聯今季澳職表現令人失望,踢咗14場僅1勝,就係上月在主場小勝威靈頓鳳凰。阿聯贏完嗰場波後,連續5戰錄得1和4負劣績,而且最近3場都冇波入,可見球隊攻不銳守不穩。阿聯今仗有後衞泰歷艾列治停賽,中場米利奧斯歷、佐治美爾斯同拉利麥基爾因傷唔踢得,兵源短缺下難望對表現穩定嘅墨爾本城構成威脅。

華簡尼斯坐正好腳頭
墨爾本城主帥史卓普早前因家庭問題辭職,由助教華簡尼斯接掌帥印,從上仗主場擊敗西悉尼流浪者所見,易帥影響似乎唔大,墨城近6仗雖只贏得1場,但其餘5仗錄得4和1負,只係喺打吡戰輸畀墨爾本勝利,可見球隊狀態唔係太差。墨城前線主力科拿路利同中場卡希爾近期頻頻有波入,今仗只有中場基爾堅尼停賽,相信仍有力攻破阿聯防線,墨城小讓平半,吼上盤好穩陣。

流言情报