法達斯維:3叉戟唔齊腳 紅軍捱細界

2017-01-08 09:10:52 来源:互联网

 
今晚英足盃第3圈有「紅軍」利物浦登場,主場對乙組仔普利茅夫,絕對係不勝無歸格局,但要留意「紅軍」沙迪奧文尼離隊出戰非國盃,菲臘比古天奴仲養緊傷,火力削弱未必可大炒,不妨捧中位數3.5球嘅1.78倍細盤。(LeSports HK應用程式周日晚9時30分直播)

利物浦今季於英超喪轟48球,多得由菲臘比古天奴、羅拔圖法明奴及沙迪奧文尼組成嘅3叉戟,不過古天奴已養傷1個月,領隊高普賽前話佢趕唔切今仗復出,而快翼沙迪奧文尼亦畀塞內加爾徵召出戰非國盃,加上前鋒史杜列治及隊長佐敦軒達臣依然有傷,中前場火力略減。普利茅夫自知實力差幾條街,必定泊大巴輸少當贏,預計「紅軍」今仗只求贏波晉級,甚至就住嚟踢盡量避免增添傷兵,入球細屬不二之選。

車仔成肚火搵彼德堡發洩
至於夜少少就有車路士主場對英甲仔彼德堡,車仔啱啱喺聯賽輸畀熱刺,未能打破14年前阿仙奴單季聯賽最長連勝紀錄,谷住成肚火誓要搵彼德堡發洩,而巴舒亞伊等二線兵相信今仗會披甲上陣,必定趁機爭取表現,就算讓球主客和車仔要讓到2球,斯維都撐讓球主勝。(LeSports HK應用程式周日晚11時直播)

 

流言情报