Mic少:國米發甸反客為主

2017-01-08 09:10:24 来源:互联网

 
中資財團泵水谷成績
今晚意甲早場,烏甸尼斯主場鬥國際米蘭,國米經過兩度換帥後終於重上正軌,歇冬前取得4連勝,會方更加趁1月冬季轉會市場重開,以2,700萬歐元(約2.2億港元)簽入阿特蘭大22歲中場加利亞甸尼,顯示擁有球會嘅中資財團好想催谷「藍黑兵團」成績。加上國米近3次鬥烏甸全部贏晒,客勝值博。(TVB 302周日晚7時30分直播)

國米開季前炒咗文仙尼,聘請荷蘭名宿法蘭迪保亞領軍,但僅過85日就下台。上年11月初改由前拉素主帥皮奧利執教,成績先至開始有起色,近6場比賽更贏5仗,有番傳統豪門霸氣。而且國米有中資大水喉射住,剛簽入意大利新星加利亞甸尼,可抵銷加利美度養傷嘅影響,加上前鋒莫路伊卡迪今季已轟入14球,今仗有力反客為主。

烏甸近3對賽全敗
至於烏甸尼斯雖然歇冬前4戰取得3勝1和,但當中兩場對手只係下游分子博洛尼亞及克羅托內,不足為信。況且烏甸尼斯近3次對國際米蘭,錄得全敗收場,包括2次主場都輸波,上季更係慘吞4蛋,今仗面對來勢洶洶嘅國米,睇怕都凶多吉少。

仲有呀,大家要留意部分球隊有主力入選國家隊出戰非國盃,因而缺席意甲賽事;當中阿特蘭大首席射手基斯爾就已被科特迪瓦國家隊徵召,今仗作客基爾禾,阿特蘭大形勢危危乎,平手盤捧基爾禾。
 

流言情报