Yennie:史譚倒戈翻陳年恩怨 曼聯掃雷冇手軟

2017-01-07 12:16:29 来源:互联网

 
今晚英格蘭足總盃續上演第3圈比賽,焦點係衞冕嘅曼聯於奧脫福出戰舊將史譚領軍嘅雷丁,當中更牽涉一段陳年恩怨!曼聯喺聯賽6連勝係威係勢,今晚於足總盃對住實力次一皮嘅雷丁,相信可延續近期強勢,讓球盤開到讓球半/兩球咁辣都無有怕,Yennie推介1.72倍嘅曼聯上盤。

(LeSports HK應用程式周六晚8時30分直播)

紅魔聯賽6連勝弗到震
曼聯最近狀態弗到漏,聯賽豪取6連勝一口氣拎咗18分,同前4只有3分嘅距離,搞到領隊莫連奴開心到同班球員發出「愛的宣言」!莫帥話非常鍾意呢班手足,更大讚佢哋都係好人,享受同佢哋並肩作戰,更豪言加盟紅魔嘅最大挑戰,就係要協助球隊去番佢哋所屬嘅位置,重振聲威!曼聯除咗聯賽6連勝外,更喺各項比賽保持13場不敗,亦係自費格遜領軍年代以嚟嘅第一次!王牌伊巴謙莫域上仗聯賽對韋斯咸入波之後,加盟紅魔已經入咗18球,超越上季首席射手安東尼馬迪爾射入嘅17球,認真厲害!曼聯依家士氣咁勁,等閒對手真係見到都驚。

史譚唔想再提費格遜
雷丁現時由前紅魔名將史譚領軍,呢位43歲荷蘭人曾經協助過紅魔拎咗3次英超、1次歐聯同1次足總盃,今次倒戈相信百般滋味在心頭。賽前有傳媒問佢重返奧脫福有咩感覺,史譚似乎覺得呢個話題好煩,仲拒絕答任何有關費格遜嘅嘢:「我已經厭倦呢個問題,談論費爵爺都係,我估曼聯都成日畀呢個問題煩住,重返奧脫福唔係咩情感崩裂嘅事,到時我應該唔會喊。」查實史譚當時因為批評費爵爺同隊友,尤其不滿費Sir當球員係一舊肉咁,完全由佢支配,唔接受唔同意見,2001年被賣豬仔到拉素,至此職業生涯一沉不起,時至今日都未嬲完費爵爺,雖則後者喺自傳公開承認過賣錯佢。雷丁現時喺英冠排第3,相信今季首要目標係升上英超,盃賽未必咁睇重,曼聯讓到球半/兩球,擺明充滿信心,上盤有計!

流言情报