Mic少:艦隊-2難發維

2017-01-04 18:24:40 来源:互联网

C朗休戰加4件傷兵
西班牙盃16強首回合重頭戲,「銀河艦隊」皇家馬德里主場迎戰西維爾,世冠盃盟主皇馬今仗隱憂重重,有4位球員受傷倦勤,並肯定球星C朗獲准休息不會披甲,加上球隊有「世冠後遺症」前科,捧佢哋小心又重演悲劇。對手西維爾話晒係「盃賽專家」,上屆西盃亦進身決賽,今場輪到佢哋表演時間,西維爾受讓兩球,讓球客勝賠率由原本1.75倍變熱至1.63倍,可見C朗缺陣有幾大影響,必捧讓球客勝。

(周四凌晨4時15分開賽)

皇馬上月奪世冠盃後,已經保持37場正式賽事不敗,踏入2017年第1擊當然唔想衰;不過「銀河艦隊」想延續不敗走勢並唔容易,事關球隊傷兵滿營,除咗養傷嘅加里夫巴利之外,隊長沙治奧拉莫斯右腳肌肉傷患復發,加上中場盧卡斯華斯基斯、高華錫都有傷,呢4位仁兄將缺席今場對西維爾。

西班牙《馬卡報》日前指皇馬希望畀多啲時間C朗休息,今場收起佢,無入大軍名單,換言之「銀河艦隊」隨時只能半力出擊。值得一提,皇馬兩年前捧完世冠盃,返到本土賽事首仗即輸波,兼令22連勝走勢斷纜,被打窒道氣後,該季最後四大皆空,真係要提防佢哋重蹈覆轍。

西維爾踢盃賽有Heart
西維爾今季西甲現時排第3位,絕對唔嘢小,最重要佢哋係「盃賽專家」,已連奪3屆歐霸盃,上屆西班牙盃決賽踢到加時先至輸畀巴塞隆拿。近2屆歐超盃都係踢到加時先至輸波,可想而知要喺盃賽90分鐘內擊敗佢哋非常困難,況且西維爾首回合作客應會採取穩陣戰術,今仗有望全身而退,受讓捧得過。
 

流言情报