Combo King:白禮頓開Turbo半場破浪

2016-12-27 08:29:58 来源:互联网

除英超之外,英冠、蘇超及比甲都開快車,阿King今次推介英冠白禮頓主場鬥昆士柏流浪,1.95倍嘅半場主勝可作過關重心。白禮頓上季升班附加賽功虧一簣,今季捲土重來表現對辦,已經保持16場聯賽不敗,近3戰更全勝,走勢非常凌厲。遇上5連敗嘅昆士柏流浪,3分手到拿來,主W略嫌冇分頭,一於揀更好分嘅半場主勝。

(周二晚8時30分開賽)

白禮頓過去4季有3季取得升班附加賽資格,可惜最後都同英超席位擦身而過,如果今季想避免悲劇重演,唯一方法係爭取前兩位直接升班。白禮頓吸取近年教訓後,今季踢落異常賣力,近16場聯賽獲得12勝4和,單計主場近5仗亦贏咗4場,水準夠晒平穩,今日有埋地利更加冇理由失拖。

反觀昆士柏流浪陷入低谷,聯賽5連敗之餘入得1粒,包括作客0比1輸畀包尾嘅洛達咸,表現可謂衰到貼地,作客面對如日方中嘅白禮頓,睇怕半場都頂唔住。

串鴨巴甸讓主真特客W
蘇超方面,鴨巴甸近6次主場對咸美頓,取得全勝兼不失球,其中3次更大勝3球或以上,擺明格食格,一於直取讓球主勝。(周二晚11時開賽)最後比甲亨克主場對真特,亦有類似情況,兩隊近5次對壘真特獲4勝1和,客勝值博。

(周三凌晨1時開賽)
 

流言情报