工廠仔:默郡打吡拖肥靠得住

2016-12-19 09:54:17 来源:互联网


宿敵紅軍後防甩漏多
今輪英超壓軸大戰默西賽德郡打吡今晚上演,近況回勇嘅愛華頓會喺主場硬撼利物浦,論今季整體成績,紅軍利物浦無疑勝過「拖肥」,不過打吡戰勝負面子悠關,拖肥主場當然唔會輕易讓路,何況佢哋上仗聯賽主場反勝阿仙奴2比1,踢出今季代表作,紅軍防線甩甩漏漏,尤其門將成為最大致命傷,作客讓波靠唔住,一於捧讓球主勝。(Now 621及LeSports HK應用程式周二凌晨4時直播)

愛華頓對上一次贏出「默西賽德郡打吡」已經係2010年10月,之後喺各項賽事12次對利物浦,愛華頓只得7和5負,不過單計喺葛迪遜公園球場交手,愛華頓最近4次都同利物浦打成平手,踢落絕對唔輸蝕。

愛華頓聯賽主場不敗
愛華頓早前一度陷入小低潮,10仗聯賽只係贏過韋斯咸,其實佢哋今季主場聯賽未輸過,8戰取得4勝4和,而且最近2仗分別喺先落後嘅情況下,以1比1逼和曼聯及2比1反勝阿仙奴,士氣、信心返晒嚟,今仗對住同市宿敵肯定打甩門牙帶血吞!

利物浦繼早前3比4不敵般尼茅夫之後,上次主場對韋斯咸亦僅僅逼和2比2,防線表現備受批評,其中門將卡利奧斯嘅表現更加成為戰靶。上周中對米杜士堡,領隊高普決定起用比利時門神米洛列特,雖然成功大勝3比0止血,但對手實力太弱,根本冇對紅軍防線構成太大威脅,而且米洛列特失去正選位置之前,表現亦唔見得穩陣,今場對手係由盧卡古率領嘅愛華頓鋒線,相信紅軍後防將會面臨極大考驗。

而且自從巴西中場菲臘比古天奴受傷之後,紅軍進攻發揮一般,單靠奧歷治喺前面衝鋒陷陣好易被睇死,要讓波真係揀唔落手。

流言情报