Mic少:鹿角細頂銀河艦隊

2016-12-18 07:34:46 来源:互联网


 
陪跑變爭標鬥志好
世冠盃上演決賽,由東道主鹿島鹿角迎戰皇家馬德里!「銀河艦隊」皇馬實力勝一籌,但始終千里迢迢飛赴日本比賽,天時地利人和都比較輸蝕,球星C朗4強腳風唔順,就係最佳證明。鹿島鹿角可以連過3關,成為歷來首支殺入決賽嘅亞洲球隊,打起信心及激發頑強鬥志,想擊敗佢哋並非易事。加上終極一戰,雙方為免犯錯冇仇報,踢法都會比較謹慎,過去8屆決賽有7屆總入球係3球或以下,今仗中位數3.5球必捧1.92倍入球細。(有線61及201台周日晚6時30分直播)

日職總盟主鹿島鹿角以主辦國球隊身份參賽,要由資格賽開始踢,先以2比1擊敗奧克蘭,2比0贏南非球隊馬姆洛迪辛當斯,上仗大勝南美自由盃冠軍國民體育會3比0,打入決賽,已創造亞洲球隊踢世冠盃最佳成績,而且已至少穩袋400萬美元亞軍獎金,可謂名利雙收,不過依家鹿角距離冠軍同500萬美元(約3,900萬港元)獎金只差一步,當然想一鼓作氣力求歷史性捧盃。

不過鹿島鹿角由「志在參與」到現時有望奪冠,心態難免會變得保守,今仗肯定以穩陣行先,避免犯錯而功虧一簣,尤其對手皇馬以攻力強橫見稱,鹿角更加要先做好防守,站穩陣腳後再謀突擊。鹿角最大優勢係佔盡天時地利人和,主場球迷打氣之下,一人跑多一步,應可盡量破壞皇馬攻勢。

3,900萬獎金皇馬睇定嚟食
皇馬喺4強雖然控制戰局,但僅以2比0小勝CF阿美利加,其中1球仲係補時先至由C朗射入。呢位金球獎得主浪費多次入波機會,腳風唔多順。最重要係嚟到決賽,皇馬只求順利贏波捧走獎盃同獎金,冇必要大炒對手,落主隊面子。事實上,兩年前皇馬喺決賽僅贏聖羅倫素2比0,相信「銀河艦隊」會沿用控球在腳踢法,睇定來食,屬於小勝格。1.06倍客W冇肉食,讓客「-2」高風險,最好揀中位數3.5球嘅1.92倍入球細。

流言情报