工廠仔:車路士客W發維

2016-07-16 06:52:42 来源:互联网

 
「新車長」干地省招牌
經歷咗極為失望嘅一季後,車路士請嚟意大利領隊干地執教,今晚首仗季前熱身賽作客對奧地利維也納迅速。「藍戰士」唔少主力已經歸隊備戰,加上車路士近年每逢季前易帥,新帥都例必帶領球隊喺首仗季前賽贏波,干地為打響頭炮點都跟足傳統,精銳盡出下1.82倍客勝放心捧場。

(周日凌晨零時開賽)

干地今季接掌車路士,暫時未有喺陣容上帶嚟翻天覆地大變動,唯一新兵屬由馬賽加盟嘅比利時前鋒巴舒亞伊,不過佢同一眾有份參戰歐國盃嘅舊將好似夏薩特、法比加斯及加利卡希爾等仍未歸隊,今仗肯定缺陣,但其餘主力包括迪亞高哥斯達、韋利安、奧斯卡杜斯山度士、尼曼查馬迪、伊雲奴域同泰利等經已開操,實力仍然夠殺,呢班前朝功臣為博干地歡心留隊,相信落到場都唔會放軟手腳,戰意唔使懷疑。

季前換帥 首戰例威
車路士近年有一個優良傳統,就係球隊季前換帥,新領隊領軍首仗季前球會賽都能旗開得勝,干地為省靚招牌同檢閱實力,預計亦會盡遣主力上陣。維也納迅速為上季奧甲聯賽亞軍,陣中球員大多名不見經傳,就算球隊比車路士早開操,論個人質素難同「黃金戰車」相比,今場客勝穩開。

流言情报