熱刺主場蓄細待發獵「狐」

2016-01-10 11:04:52 来源:互联网

熱刺將喺5日內主場兩鬥「狐狸」李斯特城,首先就喺英足盃第3圈碰頭。李斯特城近況回落,今場又有王牌射手占美華迪因傷缺陣,攻力進一步受削,作客或以守行先,細盤同半場和均可一博。3

(周一凌晨零時開賽)

雙方上季喺英足盃第4圈對陣,李斯特城作客2比1擊敗熱刺,嗰場波「狐狸」仲要係臨完場連入兩粒反勝。熱刺今場如果想復仇晉級,防守上亦唔可以鬆懈。睇番數據,熱刺係今季英超失波最少嘅一隊,20戰只失16球,後防球員好似艾歷迪亞、維頓漢、艾達韋列特、洛里斯等都交到功課,所以唔擔心熱刺會多失。

華迪馬列斯齊缺陣
況且李斯特城最近3場一球不入,占美華迪同馬列斯呢對孖寶上半季鋒芒太露,預咗下半季會被釘死,華Dee今場因腹股溝傷患避戰,領隊雲尼亞里暗示今場會作出輪換,可能連馬列斯都會擔任後備,而從英冠伯明翰加盟嘅19歲翼鋒格雷有望處子登場,可以預示「狐狸」今場唔會多波入,另半場和亦可一試。
 

流言情报