華Dee養傷冇晒火 狐狸冬眠熱刺開W

2016-01-10 11:01:54 来源:互联网

踢完「聖誕快車」檔期後,各支英超球隊呢個星期又要面對一周三戰嘅地獄賽程!今晚熱刺喺主場同連續3場不勝嘅李斯特城,上演英格蘭足總盃第3圈賽事。「李城」今季可以壓過多支勁旅成為前列分子,都係多得入球停不了嘅占美華迪!不過呢個入球機器早前終於「壞偈」,今晚肯定缺陣,冇「華Dee」在陣嘅「狐狸」點會攻得入熱刺大門呀!一於撐1.52倍熱刺主W!

(開賽時間:周一凌晨0:00)

熱刺早前度過咗一段既開心又滿足嘅聖誕節,皆因佢哋喺「聖誕快車」檔期攞到3連勝,即使踏入新一年嘅首場比賽亦保持不敗,同愛華頓打和1:1,4戰得10分後衝上聯賽榜第4位,同榜首嘅阿仙奴只係相差6分,走勢認真唔錯。就連死敵兵工廠主力射手基奧特都叫大家唔好輕視熱刺,就知佢哋幾有料啦!

哈利卡尼4戰入3球
更重要嘅係,早前一度陷入入球荒嘅熱刺前鋒哈利卡尼,亦喺對上4戰中轟入3球,搵番對射門鞋重拾上季雄風!加埋熱刺主場成績排英超第3,威力的確有番咁上下,呢鋪地頭出擊梗係值得睇高一線!

李城連續3場冇波入
另邊廂,今季表現令人喜出望外嘅李斯特城,早前喺「聖誕快車」檔期嗰陣輸咗畀利物浦之後,已經連續3場聯賽贏唔到,英超「一哥」位置亦都拱手相讓咗畀阿仙奴。雪上加霜嘅係,今季創下連續11場英超入波紀錄、至今射入15個英超士哥嘅首席射手「華Dee」要做鼠蹊手術,至少要抖番1至2個禮拜。冇咗占美華迪,李斯特城攻力肯定大大減弱,更何況班波對上3仗都交白卷,季初人見人怕嘅「狐狸」好似去咗冬眠咁!加上班波兵源唔充足,相信佢哋會集中火力專攻聯賽,盃賽對佢哋嚟講只係次要目標,今場收起部分主力都唔奇。雖然今晚熱刺主W只係得1.52倍,熱就熱咗啲,不過勝在夠穩陣嘛!

 

流言情报