紅魔開大“素”

2013-12-07 05:50:02 来源:互联网

紅魔開大“素”


繼主場輸畀西布朗後,曼聯周中又被愛華頓在奧脫福“掃場”,“福地”變成“仆地”。莫耶斯對住舊主輸波又輸面,聯賽已經與阿仙奴拉開十二分,衛冕之路實在艱苦重重,到底曼聯可以捱得幾耐?如果今晚對紐卡素再有乜嘢三長兩短,莫帥確要好自為之。

紐卡素再度發揮出神經刀本色,先和曼城,再殺“車仔”與熱刺,挾四連勝作客排十位以下嘅史雲斯,點知一敗塗地,慘吞三隻“天鵝蛋”,呢班“癲佬”真係估佢唔到。但又證明呢班波打強隊好有澳門街特色,就係“與别不同”,所以紅魔對住呢班神經刀,都咪話食硬。初盤曼聯讓一球/球半,捧硬下盤紐卡素。

此外,再推介入球開大,事關兩隊波經常大上大落,雙方防線“流到痹”,加上近四次對賽最少開三球,各位手足,今場一於玩“大”佢。

曼聯後防確令人擔憂,竟被愛華頓攻門十五次,唔係迪基亞有表現,點止輸一球收工,韋迪復出更加醜態百出,希望前線入多幾球補數。紐記同樣有前冇後,十四戰失廿一球,前十五支球隊中係失球最多一隊,如無意外兩隊今戰將上演入球騷。

推介:曼聯3:2
 

流言情报
相关标签: 曼联 纽卡素