雷丁受讓信唔過

2012-12-11 05:06:30 来源:互联网

雷丁受讓信唔過


英超今晚有場榜尾搶分大戰,由新特蘭對雷丁,邊隊輸波護級形勢更加險峻,今仗肯定鬥個你死我活。新特蘭近四戰只從包尾的昆士柏流浪身上搶得一分,跌落降班線,球隊壓力甚大,主場對雷丁唔搶冇得搶,必定全力撲擊對手,以球隊平均人腳應比對手為佳,有望全取三分。排尾二的雷丁作客一無是處,只搶得兩分咁大把,上仗作客同級波修咸頓一樣捱打,確實令人失去信心。初盤新特蘭讓半球,值得睇好。

一比三不敵車路士,新特蘭並非踢得太差,全場與車仔互有攻守,形勢絕不輸蝕,若非車仔門將施治表現出色,新特蘭至少可搶一分。整體而言只輸在球員質素,奧舒亞與華漢復出令球隊更完整,雷丁實力當然不及車仔,新特蘭只要踢出同樣水準,應可殺退對手。

升班馬雷丁今季加入普格恩耶克、古菲尼及索尼等較有份量球員,惜其他位置欠平均,特別後防欠缺一名大將,有前冇後踢法令防線出現唔少漏洞,十五場聯賽失廿八球,今仗難保不失。

推介:新特蘭勝2:1
 

论坛精华