英超煞科日，熱刺主場迎戰愛華頓，竟然變成近年最驚險嘅護級生死戰。根據目前形勢，熱刺只係比尾3韋斯咸多兩分，如果今場輸波，而「錘仔幫」韋斯咸同時贏波，熱刺隨時歷史性降班。文:謝德謙
愛華頓高效反擊衝擊熱刺
外界普遍認為，熱刺形勢仍然稍為佔優，只要攞到1分，基本上已經足夠護級。不過，熱刺防守問題始終未見改善，更一度跌入降班區，引起球迷強烈不滿。迪薩比賽前接受訪問時直言，今場比賽關乎球會尊嚴，要求球員踢出「血性同鬥志」，佢承認球隊承受巨大心理壓力，但認為熱刺始終有足夠實力完成護級。
至於愛華頓方面，領隊莫耶斯賽前表明唔會留手，更笑言希望幫舊東家韋斯咸護級成功。雖然愛華頓近期狀態一般，但反擊效率仍然唔錯，面對防線鬆散嘅熱刺，絕對有機會偷雞。
綜合英國最新分析同數據預測，排第17位的熱刺仍然較大機會成功護級，但這支倫敦老牌球隊今季多次喺關鍵時刻失準，令外界始終唔敢完全排除降班可能性。
